Tanzania kujenga kiwanda kikubwa cha mbolea

Kiwanda hicho kitagharimu dola bilioni 3 za Kimarekani

Tanzania imetangaza kwamba inatarajia kuanza ujenzi wa kiwanda kikubwa cha<endelea bofya kichwa cha habari hii juu> kuzalisha mbolea mwaka huu.

Kiwanda hicho kitajengwa katika wilaya ya Kilwa, mkoani Lindi na kitatumia rasilimali ya gesi asili na miamba ya matumbawe (coral reefs) iliyopo wilayani Kilwa.

Kitajengwa kwa ubia kati ya Tanzania na nchi za Denmark, Ujerumani na Pakistani na kitakuwa na uwezo wa kuzalisha tani 3,800 za mbolea kwa siku.

Balozi wa Ujerumani nchini Tanzania Egon Kochanke na balozi wa Denmark Eina Hebogrd waliokutana na Rais John Magufuli Alhamisi na kujadili ujenzi wa kiwanda hicho.

Kwa mujibu wa taarifa kutoka ikulu, kiwanda hicho kitatosheleza mahitaji ya wakulima wa Tanzania na nyingine kuuzwa nje ya nchi.

Aidha, kinatarajiwa kuzalisha ajira zaidi ya 5,000 na uwekezaji wake utagharimu dola za Kimarekani bilioni 3.

Filed Under: habari za kitaifa on