Kituo cha kusaidia watu walioathirika na matumizi ya dawa za kulevya na utumiaji wa pombe kupindukia cha Life and Hope Sobber House cha Bagamoyo,kimekanusha taarifa zilizotolewa kupitia vyombo mbalimbali vya habari nchini kuwa mwanamuziki maarufu wa muziki wa kizazi kipya….maarufu Chidi Benz,aliyepokelewa kituoni hapo alitoroka.
Akikanusha madai hayo,aliyosema,yamesababisha taswira mbaya kwa Mwanamuziki huyo Rashid Makwiro,maarufu kama Chidi Benz,Mkuu wa kituo hicho AL-KAREEM BHANJI,amesema,Chid Benz,alitoka kituoni hapo baada ya kuwa sawa na kufuata tararibu zote husika.
Katika hatua nyingine,amelazamika pia kukanusha madai na tuhuma dhidi ya Meneja wa kundi la Tip Top Connection, Babu Tale,zilizotolewa pia na baadhi ya vyombo vya habari ikiwamo mitandao ya jamii nchini kuwa alimtelekeza Chidi Benz,kituoni hapo,ambapo amesema,tuhuma hizo si za kweli na mbali ya kuharibu taswira ya Babu Tale,mbele ya jamii,imekichafua kituo hicho.
