Rais John Magufuli
Rais Magufuli amesema alikuwa akikataa mialiko mingi kuhudhuria shughuli za wafanyabiashara, lakini ameamua kuanzia na Bakhresa kwa sababu maalumu.
Akizungumza kwenye uzinduzi wa kiwanda cha Bakhresa Products Limited kinachomilikiwa na mfanyabiashara Abubakar Bakhresa, amesema sababu hiyo maalumu inatokana na ukweli kuwa anamiliki viwanda kama ambavyo sera zake za kutaka Tanzania iwe nchi ya viwanda zinavyotaka.
Pia amesema viwanda vinavyomilikiwa na Bakhresa vinazalisha ajira kwa wapigakura wake na kwamba bilionea huyo ni mzawa.
Amesema Bakhresa ni mwaminifu na analipa kodi, akiweka bayana kuwa kwa mwaka jana pekee alilipa Sh54 bilioni.
Ili aendelee kuzalisha ajira zaidi, Rais amemtaka Bakhresa kuanzisha kiwanda cha sukari ambacho pia kitasaidia kupunguza uhaba wa bidhaa hiyo, ombi ambalo mfanyabiashara huyo alilikubali kwa kupiga makofi na hapo hapo akaahidiwa neema nyingine.
“Nitakupa eka 10,000 za ardhi kwa ajili ya kulima miwa na kuanzisha kiwanda cha sukari, tena kitakuwa karibu na Dar es Salaam,” amesema Rais.
Rais Magufuli amempongeza Bakhresa kwa kuwa mfano mzuri kwa wafanyabiashara wengine kwa sababu ametoa ajira kwa watu wengi na analipa kodi serikalini.
Rais Magufuli alisema ametoa ardhi hiyo ili Bakhresa alime miwa na kuzalisha sukari badala ya kuagiza nje.
“Kama kuna mtu yeyote anataka kuwekeza na anapata changamoto zozote anione, mimi ndiye mwenye dhamana. Nitakwenda popote kufuatilia ilimradi mtu huyo aanzishe uwekezaji wake,” amesema Rais wakati wa uzinduzi wa kiwanda hicho cha kusindika matunda kilichopo Mkuranga mkoani Pwani.
Mkurugenzi wa makampuni ya SSB, Bakhresa amesema waliomba kuunganishiwa umeme wa megawati 10, lakini hadi sasa hawajaunganishwa na hivyo kusababisha gharama za uzalishaji kuwa juu kwa sababu wanatumia jenereta.
Mbali na suala la umeme, Abubakar amesema changamoto nyingine ni wingi wa taasisi za udhibiti wa bidhaa ambao unasababisha urasimu katika utoaji wa huduma na ni vyema kuwa na taasisi moja ambayo itashughulikia udhibiti wa bidhaa ili kuondoa urasimu huo.
PICHA 5: Tingatinga Lilivyofukua mamilioni yaliyokuwa Yamefichwa ardhini bofya hapa
Waziri atolea maelezo taarifa ya serikali kuhakiki watumishi wanavyotumia mishahara yao bofya hapa
Waziri atolea maelezo taarifa ya serikali kuhakiki watumishi wanavyotumia mishahara yao bofya hapa
TCRA yakipa onyo kali kituo cha runinga cha Clouds, Yakifungia kwa miezi 3 kipindi cha 'Take One' kwa kukiuka kanuni za utangazaji. bofya hapa
Polisi Aliyerekodiwa Akipokea Rushwa Kuchukuliwa Hatua bofya hapa
Jeshi La Polisi Nchini Latoa Onyo Kali Kwa Wananchi Wanaojichukulia Sheria Mkononi. bofya hapa
Tanzania na Congo DRC zimesaini mkataba wa makubaliano kutafuta mafuta Ziwa Tanganyika bofya hapa
Mambo Muhimu Waliyoyajadili Rais Magufuli na Rais wa Congo DRC Joseph Kabila wakati wa mkutano na Waandishi wa Habari Ikulu bofya hapa
Like page yetu ya facebook upate habari kwa urahisi na haraka zaidi BOFYA HAPA
Polisi Aliyerekodiwa Akipokea Rushwa Kuchukuliwa Hatua bofya hapa
Jeshi La Polisi Nchini Latoa Onyo Kali Kwa Wananchi Wanaojichukulia Sheria Mkononi. bofya hapa
Tanzania na Congo DRC zimesaini mkataba wa makubaliano kutafuta mafuta Ziwa Tanganyika bofya hapa
Mambo Muhimu Waliyoyajadili Rais Magufuli na Rais wa Congo DRC Joseph Kabila wakati wa mkutano na Waandishi wa Habari Ikulu bofya hapa
Like page yetu ya facebook upate habari kwa urahisi na haraka zaidi BOFYA HAPA
Post a Comment
Toa maoni tu (kejeli na matusi marufuku)